Ang atong palad adunay napulo ka mga guhit nga diha magasugod sa numero 2. Ang duha nato ka mga kamot, ug natingub ngadto sa numero 1 ang atong pagkatawo ang imong pagka IKAW. Duha ka butang ang atong pagabantayan, ang kinabuhi ug ang kamatayon. Ang tuong kamot mao ang kinabuhi ug ang wala nga kamot mao ang kamatayon.
Tinuod ba gayod nga kitang tanan managsama ning kalibotan? That all men are created equal? Matud pa ni bayaning Dr. Jose Rizal – “Dili ako motuo nga dinhi ning atong kalibutan kita managsama tungod kay ang mga guhit sa atong palad o mga tudlo wala managtupong. Adunay adunahan ug mga kabus ug adunay mga tawo nga mabudhion ug mga tampalasan.
Ang pag-ampo sa sayong kabuntagon ang angay nga pagabuhaton samtang mubanagbanag na ang kabuntagon. Mao kini ang paglaraw sa mga butang matarong pagpangayo ug grasya, paghunahuna sa mga butang ug mga buhat nga matarong.
Who is the greatest in the kingdom of Heaven? If anyone wants to be the first in heaven, he will have to be the last of all in this earth. Atong ipa ila sa katauhan nga kitang mga sakop ning atong pondok, matuod nga sumosunod sa pulong, sa buhat ug sa kinabuhing Kristohanon. Ipaubos ang mapahitas-on ug ang mapa-ubsanon adunay ganti sa kaulahian.
He who believes in me, believe HIM that sent me. Kinsa kadtong makasunod sa matarong maoy makahatag ug kaayohan sa Dios ug sa atong gobierno. I have come unto the world to give light, ania ako ning kalibutan aron ang mangitngit ninyong dalan makabaton ug kahayag. That whosoever believe in me could sustain the light, kinsa kadtong magatuo kanako dili makapuyo didto sa kangitngitan sa buhat lamang ipakita ang atong pagkamatarong.
Nganong nahitabo man ang mga kalisdanan? Tungod kay wala mutokma ang inyong mga buhat ngadto sa inyong mga hunahuna. Kon adunay bitoon nga mahulog sa atong kalangitan timaan kana nga niining kalibutan adunay kinabuhi nga mahanao – mataktak. If anyone hears my words and does not keep them, do not judge him because I come into this world to save humanity. Kaloy-a ug tagda pag-una ang imong kaugalingon unya pa ngadto sa uban.
Niining atong panagtukaw, guikinahanglan nga walay magpiyong nga mata kay kon dunay mopiyong nga mata kitang tanan pulos walay mahimo. Isulti ko dinhi kaninyo kon unsa gayod ang tumong ning atong pundok, whoever rejects me and does not accept my words is against me. The words that I have spoken will judge you in the last day. Ang inyong kaluwasan anaa ra kaninyo ug ang inyong kapildihan anaa ra usab kaninyo. Ang paglampos anaa sa pagtuman sa mga mando ug mga sugo.
"Whoever rejects me (Ruben Ecleo) and does not accept my words is against me."
Unsa man ang katapusan ning atong pundok? Ang katapusan ning atong pundok mao ang atong kaluwasan nga unta maangkon nato ang kinabuhi nga walay katapusan. Kinsa kadtong magasunod sa matarong maga uban Ako kaninyo.Sinugo ako sa atong AMAHAN sa pagpaila sa tinagoan nga wala pa maila sa tibook nga kalibutan. Kinsa kadtong dili makasunod sa mga buhat magapuyo sa kangitngit, ang magasunod sa mga buhat magapuyo sa kahayag ang kinabuhi nga walay katapusan. Hunahuna-a kanunay nga ang pagbasol maulahi, kining atong pagtulon-an nagagikan sa atong Amahan – Dios nga Amahan. Dios nga Anak, Dios nga Espiritu. Gitukod ko kining pundok PBMA dinhi ning atong nasud aron walay dugo nga maula kanatung mga tabunon mahitungod niining umaabot nga dakong gubat sa religion nga magsugod karong 1975 nga mahangtud ngado sa tuig 2000 nga walay pagkahusay.
Kining mga adlawa sa semana santa maoy adlaw sa pagbangotan. Dili masayon ang pagsulbad ning kinabuhi sa tawo, kadaghanan dili na gani makaila sa ilang pagkatawo. Ilha una ang imong kaugalingon aron maila mo ang uban. Nahisulat dinhi sa GREEN BOOK nga dinhi niining kalibutan walay makatukib nga tawhanon. Nahisulat usab sa BLUE BOOK nga ang makasulbad lamang mao kadtong tawo nga pagasul oban sa Espiritu sa Dios, kadto lamang gihatagan sa Espiritu sa atong Amahan. Ang nahisulat niing mga basahon – BLUE BOOK, GREEN BOOK, WHITE BOOK, mao ang mga tawong hingpit. This is the purpose of what I am now – aron paghimaya sa ngalan sa atong Amahan, “Amahan Ko himayaa ang imong ngalan dinhi kanako?.
Ang kalibutan mao ang balita, busa walay kasaypanan nga matago dinhi ning atong kalibutan. Ang angay natong buhaton mao ang pakigdait ug pakig-angay sa tanang katauhan. The light is already with us but the darkness has overcome us. Gibilin ko kaninyo ang kalibutan apan gidili kaninyo ang pag hukom forgive and you shall be forgiven. Kining PBMA mao kining pundoka mga agig takop sa tanang religion mga wala masayod sa mga butang mga tinagoan. Ang atong pangandaman mao ang atong kaluwasan niining kinabuhi, pagmatarong ug pagbinuotan kamong tanan. Ang ganti nga atong madawat nagagikan sa atong Amahan, kay dinhi kanako kon mosunod kamo kanako, moadto kita sa akong Amahan kay adunay mga luna nga gitagana alang kanatong tanan. Ang yuta sa Pilipinas maoy yuta nga gitagoan ug gibinlan ug rubi sa atong Amahan Ginoong Dios Jesukristo.
If anyone becomes humble like a little child, he is the greatest in the kingdom of Heaven. Ang katapusan sa atong sacrificio mao nga mahiadto kita sa kamot sa Dios. Nganong gibinlan man kita sa napulo ka sugo sa Dios? Gibilin kini kanato tungod kay aduna man kitay kamatayon. Dili gayod nato malimutan ang napulo ka sugo kay ang atong mga kamot sa itaas adunay napulo ka mga guhit – tudlo – ug sa pagtamud nato sa ubos sa atong mga tiil adunay napulo ka mga tudlo, nia ra kanato ang ilhanam sa napulo ka sugo. Nganong aduna may gitawag nga Good Friday? Ngano nga gisaulog nato ang Pasko? Gisaulog nato kining mga adlawa kay mao kini ang adlaw sa tanang mga makasasala, nga gilarawan sa atong Amahan sa bayhon ni Ginoong Dios Jesukristo. Ang iyang larawan nga atong nakita hangtud sa iyang kamatayon mao ang larawan sa atong kalag samtang nagapuyo kita sa mga kasal-anan. Tungod niini patay ang atong kalag kon adunay sala, kay namatay man ang atong manunubos nga si Ginoong Jesukristo. Nganong nagpabilin man ako nganhi kanatong mga tabunon? Tungod kay ayha ako motabang sa lain unahon ko una ang mga igsoon kong Kristohanon nga mga tabunon.
0 comments:
Post a Comment